‘A SIMANA TUOIRTA
A simana accuminciò cu i pieri tuoirtu...
Lunedì matina tutta a scuola s'avieva apprisintari all'uottu e mienza ravanzi o
cinema Dante.
N'a a 5H c'iera cu si nni iava a pieri e cu ca a machina. Arrivati tutti dà, ni
ficiru aspittari ru uri a piazza Lolli. Tra i picciuotti c'iera cu si girava, si
firriava, si muirmuriava, ma un c'iera nuddu ca s'assitava. Viersu i novi e
mienza s'apprisienta u principali, un cristianu ca un putieva finiri: avutu,
ruossu, cu un pezzu i sicarru 'n mucca. U tiempu ca rapiu u cinema,ni fici
trasiri tutti; a 5H un sapieva quali prufissura l'avianu accompagnari: parievanu
l'uorfani ri Patri Missina.
No mientri ca i prufissura paàvanu, i scairtuna r'a 5H trasieru senza paàri; u
principali, faciennu i cunta, vitti ca quaircuosa un quatrava: ch'ammancavanu
riciassietti quote! Allura si misi a taliari pi capiri cu avieva fattu a fava...
E cu putieva iessiri?? … Dì elementi ri spiaggia r'a a 5H.
Comu tanti piecuri, appiru a paàri.
Ruoppu tutti 'sti mali riscuirsa c'u principali, misiru avanti a pellicola.
Astutaru i luci e incuminciò u film. ...Minchia un finieva chiù: cu ruirmieva,
cu runfuliava, cu sbadigliava... un ci 'nni futtieva nienti a nuddu.
Ruoppu tri uri ri pellicola, finìu a frisca e pirita: nuddu avia caputi nienti.
'A nisciuta i picciutta parievanu ca avianu scinnutu ri l'Apollo tririci, tutti
stunati.
Mientri si tuirnava p'a a cuba, vittimu a fiduciaria ca si staccava ru u vitru
ra a machina ru mietri i papiellu ca c'havianu fattu i puntunieri: putiemu riri
ca a simana accuminciò “buona” pì tutti...
REDAZIONE: Trinca di Maiale
Cottone Francesco, Gracolici Marco, Terranova Anastasia
SOMMARIO DEL 1°NUMERO
| Editoriale | p. 1 |
| Intervista al Dirigente Scolastico Gambino | p.2 |
Cultura e spettacoli
Il concerto
Scusa ma ti voglio sposare
I Manga |
p. 3 |
| Tendenze giovanili
Moda
Facebook
Tendenze... di moda giovanile |
p. 4 |
| Politica e scuola
La scuola di Maria Stella : in corsa verso l'UE
Concorso : l'ambiente, due città a confronto
Un atto vandalico impedisce l’ingresso al “Guzzetta” |
p. 5 |
| Cronaca
Materie della maturità 2010
La violenza
Piazza Pretoria |
p. 6 |
| Sport
La Pallamano
Il
taekwondo
La ginnastica ritmica |
p. 7 |
| Scrittura creativa
Era una
serata tranquilla
Ero lì
Fuga dal Vesuvio
L'angolo della poesia :
Ricordi
Scende la sera |
p. 8 |
| Posta del Margherita
Marzo : cammino per la Pasqua
'Na matìna
A simàna tuoirta
U mairterì |
p. 9 |